Russesch léieren

Neit Joer, nei Challengen!

© Eldoradio

De Max an ech hu geduecht, dass Virsätz fir dat neit Joer sënnvoll sinn. Mir sinn awer och alle béid zilorientéiert an hunn eis esou eng Challenge gesat.

Allenzwee léiere ma eng nei Sprooch. Ech hu Russesch, de Max Griichesch geholl.

Bis elo stellt et sech als zimmlech schwéier eraus, mee ech denken et ass machbar. Soubal een dat neit Alphabet beherrscht kann ee richteg duerch starten. Ganz einfach oder? Dat héiert dir am Eldo-Afterwork tëscht 15h50 an 19h50!

Challenge 1: Op Russesch bis 10 zielen

D'Challenge vum 6. Januar schéngt einfach. Et muss ee jo just vun 1 bis 10 ziele kënnen.

Et war méi schwéier ewéi geduecht! Och verhale maachen ech d'Zuelen net esou richteg. Et leit wierklech vill un de Konsonanten déi hannert enee kommen. Ech sinn dat mat de Germaneschen a Romanesche Sproochen einfach net gewinnt.

Preparéiert hunn ech mat mat Videoen an ebe virun allem akusteschen Hëllefen. Problem: Jidderee schwätzt et anescht aus.

Challenge 2: Sech op Russesch virstellen

De 7. Januar hu mir eis misse virstellen. Ech hunn et gutt preparéieren an hat op dat Bescht ze hoffen.

Déi zweet Challenge ass mir méi einfach gefall ewéi déi éischt. Et goung dorëm eis virzestellen. Huet op Antenn och méi oder manner gutt geklappt. MEE: D'Nolauschterer, déi Russesch kënnen, hu mech verstanen! An dat ass jo scho mol ee ganz gutt Zeechen denken ech!

Virbereet hunn ech mech dës Kéier mat engem Dictionnaire a Google. Dat huet och ganz gutt esou funktionéiert, mee op d'Sichmaschinn eleng kann ee sech net verloossen, do sti vill verschidde Saachen an et kann ee sech ni sécher sinn op et wierklech richteg ass.




Challenge 3: Meteo op Russesch

De 9. Januar missten de Max an ech d'Meteo zielen. Dat natierlech net op Lëtzebuergesch soss wär et jo ze einfach. Nee ech hu mäi Gléck op Russesch probéiert. 

Wärend de Max d'Chance hat eng Persoun ze hunn déi Griichesch kann, an him d'Meteo erkläert huet, hunn ech missen op Google Translator zeréckgräifen. Well ech awer dem Internet ni zu Honnert Prozent vertraue wäert, hunn ech déi eenzel Wierder am Dictionnaire nogesicht an ofgeglach.

D'Meteo virdroen ass och ganz okay gewiergt, mee auswenneg wär et nach net dran. 

© Pexels / jimmy teoh


Challenge 4: Nationalhymne sangen

Den 13. Januar war et esou wäit, ech duerft mir en Dram erfëllen, a mat menger Engelsstëmm live op Antenne sangen. Ech hunn et esou gutt ewéi méiglech probéiert, mee ech ginn zou, déi russesch Nationalhymne fuerdert mir esou munches of.

Eis Heemecht sangen ass definitiv méi einfach ewéi déi Russesch Nationalhymn. Live op Antenne blaméiert : Check!

War wierklech witzeg, mee wisou sinn esou vill Buschtawen an ee Wuert geheie verstinn ech wierklech net. Russesch wär vill méi einfach wann d'Wierder nëmmen hallef esou laang wären.


Challenge 5: Lidd usoen

De 14ten Januar hu mir missen ee Musekslidd am Radio usoen. Et war eng spannend Geschicht.

Bis elo hunn ech nach ni esou vill schwéier Wierder a menge Sätz benotzt. Vill Wierder hunn ech net kannt, an hunn se mat Hëllef vum Dictionnaire a Google Translate zesumme gestallt. Sécher sinn ech mir net, ob meng Saz Struktur richteg war och mat der Aussprooch hunn ech mech schwéier gedoen. 
D'Lidd gouf allefalls ugesot an et huet russesch geklongen. 





Challenge 6: Opener schwätzen

Den 16 Januar musse ma wuel am meeschte schwätzen. Dat an deenen zwou Sprooche Griichesch a Russesch. Souwuel de Max wéi och Ech, mussen no de News an d'Stonn raféieren.

 


....Хорошего вечера!

Dat ware meng lescht Wierder vum Opener vun der Stonn. 

Meng puer Sätz zielen huet erstaunlech gutt funktionéiert. Mee dat ass nëmmen d'Rou virum Stuerm, well de 17. Januar hu mir eis lescht Challenge. An déi huet et a sech!

Challenge 7: Uruffen

Et ass gläich esou wäit, de Max an ech mussen engem Russ bzw. Griich uruffen. Ech hunn akut Panik. Ech hunn et esou schonn enorm ongär den Telefon an de Grapp ze huelen a mat engem ze telefonéieren. An elo soll echt dat och nach op Russesch maachen?! PAAAAAAANNNNNIIIIIKKKKKKKK