Bei de Mee-Demonstratiounen ass et an Däitschland zu enger ganzer Partie Ausernanersetzungen tëscht Demonstranten an der Police komm. Zu Berlin zum Beispill goufen d’Beamten mat Steng a Fläschen beschmass.

Eng ganz Partie Leit goufen blesséiert a festgeholl. Zu Hamburg huet d’Police missten Waasserwerfer asetzen an d’Maniffen stoppen.

Ähnlech ass et zu Erfurt, Plauen a Bochum hiergaangen. Ëmmer rëm sinn Memberen vun rietsen a lénken Lageren uneneegeroden.