Den 112 mellt eis eng Rei Accidenter eran. Ugefaangen mat enger Kollisioun de Mueren géint kuerz virun 8 tëscht zwee Autoen zu Steebrécken an der Lëtzebuerger Strooss. Eng Persoun huet sech hei blesséiert.

Dann huet et  och op der A4 gerabbelt, dat géint kuerz virun 9 de Mueren. Aus bis elo ongekläerte Grënn ass hei en Auto op der Héicht vun der Sortie Féiz accidentéiert. Och hei gouf eng Persoun liicht blesséiert.

An géint Véierel fir 5 de Mëtteg ass en Automobilist zu Angelduerf an der Ettelbrécker Strooss accidentéiert, ganzer 3 Persounen goufen beim Virfall liicht blesséiert.