Onschéin Biller koumen um Mëttwoch nees vu Lille, wou mëttes Russland géint d'Slowakei gespillt huet.

Et koum nom Match nees zu Kläppereien an Ausschreidungen. Allerdéngs goung d'Gewalt net vu russeschen Hooligans aus, mä vun engleschen, déi extra vu Lens op Lille komm waren, fir ze provozéieren.
Russland steet jo sou ze soen ënner Sursis, sollten hir Fans sech am Stadion net behuelen. Fir England kéint dat selwecht gëllen. D'UEFA wäert haut um Donneschdeg ganz genee oppassen...