An der Grondschoul ginn vun dësem Schouljoer un an de Cyclen 2.1, 3.1 an 4.1 nei Bilan intermédiare'en agesat.  Den Educatiounsminister Claude Meisch huet de Moien de System vun deene Kompetenz-Bulletin'en presentéiert, déi schonn iwwert déi lescht 2 Joer a ronn 100 Klassen uechtert d'Land getest goufen.  

D'Bilan'en si fir d'Schüler an d'Elteren méi einfach verständlech opgebaut. Et hätt een eng besser Iwwersiicht iwwert dat, wat de Schüler kann, a wou et nach happert.  An den Elteregespréicher um Enn vun all Trimester déngt de Bilan als wichteg Communicatiounsbasis. 

An de Cyclen 2.2, 3.2 a 4.2 ginn déi nei Bilan‘en réischt fir déi nächst Rentrée, also 2017 agefouert. Sämtlech Informatiounen iwwert de Fonctionnement fënnt een am Text an a kuerze Video'en um Internetsite LINK: http://www.men.public.lu/fr