Dem Trump de Mëttelfanger gewisen72.000 Dollar fir d'Juli Briskman

Eng Fra hat hire Job verluer nodeem si dem Trump sengem Konvoi de Mëttelfanger ausgestreckt hat. Elo krut si 72.000 Dollar gespent.

Leschten Update: 15.11.2017, 09:34:51

© BRENDAN SMIALOWSKI / AFP

Well d'Juli Briskman aus den USA dem Donald Trump sengem Konvoi de Mëttelfanger gewisen hat, wéi dëse laanscht si gefuer war, hat dës hire Job verluer. D'Foto hat d'Ronn um World Wide Web gemaach, nodeems en Fotograf de Moment mat senger Kamera festgehalen hat.

Wou den Employeur vun enger Marketingfirma dat Ganzt net sou witzeg fonnt hunn, huet den Internet sech awer iwwert d’Aktioun gefreet an der Mamm vun 2 Kanner eng Crowdfundingkampagne mam Numm “Thank you Juli Briskman” arrangéiert.

72.000 Dollar koume bis ewell zesummen. An engem Interview sot d’Briskman, datt si et net géif bereien dem President op hir eegen Manéier d’Meenung gesot ze hunn.