181 vun 193 Memberstaaten hunn an der Vollversammlung dofir gestëmmt. Just d'USA an Ungarn waren dogéint, dräi Staaten hu sech enthalen. De Pakt soll Flüchtlingen e besseren Zougang zu Schoul, Aarbecht a Gesondheetsversuergung garantéieren.

Wéi de Migratiounspakt, soll och dësen Accord d'Staaten politesch verflichten. Et geet ëm eng laangfristeg Bekämpfung vu Fluchtursaachen a wéi Länner entlaascht kënne ginn, déi besonnesch vill Flüchtlingen ophuelen. Och gi Virschléi gemaach, wéi unerkannte Flüchtlinge méi séier integréiert kënne ginn.

De Vereenten Natiounen no liewen déi meeschte Flüchtlingen an der Tierkei, am Pakistan an am Libanon.