NewsNeiséiland verlaangt vun den Touristen eng Tax

Milliounen Touriste reesen all Joers an Neiséiland. Dat wëll d'Land an Zukunft nach méi staark fir sech notzen.

Leschten Update: 16.05.2019, 08:59:26

© AFP/Archiv/WILLIAM WEST

Neiséiland verlaangt vun den Touristen an Zukunft eng Tax fir an d’Land ze kommen. Vun Oktober u mussen Touriste bei der Arrivée eng Tax vu ronn 21 Euro bezuelen, heescht et vum Ëmwelt- an Tourismusministère. Domat sollen zousätzlech 47 Milliounen Euro pro Joer an d’Staatskeese fléissen. D’Sue sollen an de Schutz vun der Ëmwelt fléissen. D’Lescht Joer huet Neiséiland bal 4 Milliounen auslännesch Touriste gezielt.