NewsWäisst Haus blockéiert Trump-Ermëttlungen

Dat Wäisst haus refuséiert bei der Enquête zu enger méiglecher Amtenthiewungsprozedur géint de President Trump mam Representantenhaus zesummenzeschaffen.

Leschten Update: 09.10.2019, 08:06:24

© NICHOLAS KAMM / AFP

An den USA verschäerft sech de Sträit iwwert eng méiglech Amtenthiewungsprozedur géint de President Trump. Dat Wäisst Haus huet an der Nuecht op e Mëttwoch matgedeelt, dass een d’Vir-Ermëttlunge vun den Demokraten an der Ukrain-Affär an all Form blockéiere wäert. D’Ermëttlunge wieren ee politeschen Theater, heescht et an engem Bréif un d’Representantenhaus. Dofir wäert ee weder Dokumenter erausginn, nach Zeien-Aussoen zouloossen, och ënner Strof-Menace. D’Demokraten hunn dann erkläert, dat den Trump net iwwert dem Gesetz stéing. Säi rechtswiddregt Verhale wäert Konsequenzen hunn.