"Ech hoffen, dass d'Politik nees dee richtegen Toun fënnt am Ëmgang mateneen." Dat steet beim Message vun der Ministesch Corinne Cahen op Facebook dobäi, an deem si schreift, datt si e Méindeg de Moien e Bréif un de Premier geschéckt huet.

Konkret fuerdert si, datt de Premier Xavier Bettel den Ethik-Comité aberifft, dat fir an der Affär ëm d'Mail un de Stater Geschäftsverband. Et geet awer och ëm eng Locatioun op der Plattform Airbnb, vun där si Proprietärin ass, Kloerheet ze bréngen.

De Comité soll d'Diskussiounen "objektivéieren" an datt domat déi parteipolitesch a perséinlech Attacken ophalen, esou d'Ministesch weider. De Comité soll decidéieren, ob d'Corinne Cahen an hirer Roll als Ministesch géint den Deontologieskodex fir Regierungsmembere verstouss huet.