NewsEnergiesecteur: CO2-Ausstouss bleift 2019 d'selwecht

De weltwäiten Ausstouss vu Kuelendioxid ass am Energiesecteur no Date vun der IEA am leschte Joer net méi geklommen.

Leschten Update: 12.02.2020, 06:01:42

© INA FASSBENDER / AFP

De weltwäiten Ausstouss vu Kuelendioxid ass am Energiesecteur no Date vun der internationaler Energieagence IEA 2019 net méi geklommen. An der EU sinn d’Emissiounen d’lescht Joer souguer ëm 5 Prozent zeréckgaangen, a Japan ëm 4 Prozent, an den USA ëm ronn 3 Prozent.

Trotzdeem bleift den Energiesecteur, zu deem och d’Stroumproduktioun zielt, nach ëmmer de gréisste Produzent vun CO2-Emissioune weltwäit. De Grond, dass den Ausstouss trotz Wirtschaftswuesstëm net geklommen ass, ass der IEA no, well ënner anerem ëmmer méi erneierbar Energien genotzt ginn a wéinst de mëllen Temperaturen sou dass Klimaanlage manner genotzt ginn.