© AFP/Archives/Eric Feferberg, Joël SAGET
Bei de Presidentiellen a Frankräich trieden de Partei-onofhängege pro-europäesche Kandidat Emmanuel Macron, an d’Rietspopulistin Marine Le Pen an der Stéchwahl de 7. Mee géinteneen un. De Macron kënnt op bal 24 Prozent vun de Stëmmen. D’Le Pen op bal 22 Prozent, esou de franséischen Inneministère.
De François Fillon an de Jean-Luc Mélenchon kommen alle béid op ronn 20 Prozent vun de Stëmmen.
De Lëtzebuerger Premierminister Xavier Bettel huet dann och dem Emmanuel Macron gratuléiert an him seng Ënnerstëtzung zougeséchert. Gratulatioune goufen et och vum EU-Kommissiounspresident Jean-Claude Juncker.
Lauschtert hei d'Reportage:
Déi franséisch Rietspopulistin Marine Le Pen huet an der éischter Ronn vun de Presidentiellen no der Zuel vun de Stëmmen, dat bescht Resultat an der Geschicht vun der Front National Partei gemaach. Méi wéi 7,6 Millioune Fransousen hu fir si gestëmmt, heescht et um Internetsite vum Inneministère. Dat sinn däitlech méi Stëmme wéi d’Le Pen 2015 bei de Regionalwahlen an der zweeter Ronn krut.
Heureux qu @EmmanuelMacron représente au second tour les valeurs démocratiques et européennes que je partage.XB
— Xavier Bettel (@Xavier_Bettel) 23. April 2017
Le candidat pro-européen en tête, quel soulagement, maintenant il faut mobiliser pour le 2ième tour @EmmanuelMacron
— Francois Bausch (@fbausch) 23. April 2017
On ne peut que partager l'appel de Hamon.La droite fait déjà campagne pour les législatives.Ne pas brûler les étapes https://t.co/CEvBgkgGQu
— Alex Bodry (@AlexBodry) 23. April 2017
Le Pen-Macron: "Kampf der Welt(en)bilder" defintiv lancéiert. Bravo Macron, mee längst (nach) keng Erliichterung.
— Marc Ruppert (@RuppertMarc) 23. April 2017
