Nom Héichhaus-Brand zu London ass d'Zuel vun den Doudesaffer op 12 geklomm. Dem Buergermeeschter vu London no wäert d'Zuel vun den Doudesaffer wuel nach an d'Luucht goen. An de Spideeler goufen 78 Mënsche behandelt, 18 vun hinne wieren nach an engem kriteschen Zoustand, an nach ëmmer gi vill Leit vermësst, esou de Policechef Stuart Cundy.

D'Premierministesch huet iwwerdeems intensiv Ermëttlungen ugekënnegt. "Wann aus dem Feier Konsequenzen ze zéie wieren, géife Mesuren ergraff ginn", esou d'Theresa May e Mëttwoch den Owend virun der Press.

Wat ass d'Ursaach vum Feier? Gouf et Panne beim Brandschutz? Vill Froen an nach keng Äntwerten...

Lauschtert hei d'Reportage: