De Sänger vu Linkin Park, den Chester Bennington ass en Donneschdeg am Alter vun 41 Joer gestuerwen. De Museker gouf dout a sengem Haus bei Los Angeles fonnt. Dem Promi-Site "TMZ" no soll hien sech erhaangen hunn.

De Bennington war bestuet an hannerléisst 6 Kanner vun zwou Fraen.

Hien hat an der Vergaangenheet dacks iwwer Depressiounen a Suchtproblemer geschwat. De Sänger hat virun e puer Joer ëffentlech gemaach, dass hie während senger Kandheet vun engem Frënd vu sengen Elteren vergewaltegt gouf. Wéi hien 11 Joer war, hu seng Elteren sech scheede gelooss. De Bennington soll dunn ugefaangen hunn massiv Alkohol ze drénken an haart Drogen ze konsuméieren.

Den Chester Bennington ass um Gebuertsdag vum längst verstuerwenen Soundgarden-Sänger Chris Cornell gestuerwen. Den 18. Mai 2017 hat dëse sech ëmbruecht. De Bennington hat him deemools een oppene Bréif geschriwwen. Déi zwee waren enk Kollegen.









E puer Reaktiounen nom Doud vum Chester Bennington:

De Brian Welch vun der Band Korn, dee selwer mat Depressiounen ze kämpfen hat, veruerteelt de Chester als Feigling a schreift . dass hien es genuch huet vum deene ganze Selbstmorden. Fir déi Ausso muss hien awer vill Kritik vun de Fans astiechen.

Di aneer Promi’en sinn awer schockéiert an traueren em hien: