Jeremy Loops01.02.2019 @ Atelier

De südafrikanesche Singer a Songwriter Jeremy Loops ass dëse Freideg live zu Lëtzebuerg am Atelier!

Leschten Update: 01.02.2019, 13:53:26

© FRANCOIS GUILLOT / AFP

Mat sengem 2. Album "Critical as Water" huet de südafrikanesche Museker Jeremy Loops an dësem Joer den internationalen Duerchbroch gepackt. D'Singlen "Waves" a "Freak" sinn zu Charthits ginn. Dëse Freideg kënnt de Sänger live an den Atelier a wäert hei mat ënnert anerem dësen Hits optrieden.

Erfarung op der Bühn huet de Museker och scho genuch gesammelt. 2015 konnt hie sech eng éischte Kéier en Numm maachen, wéi en am Virfëld vun "Twenty One Pilots" opgetrueden ass. Am Joer virdrun huet hie säin Debutalbum "Trading Change" an der Heemecht op d'Plaz 1 vun den Charts bruecht.

Mam aktuellen an neien Album kënnt den Jeremy Loops awer net fir déi éischte Kéier an Europa - Schonn 2016 huet hien eng kleng Tour an Däitschland, Éisträich an an der Schwäiz gespillt. Op Lëtzebuerg allerdéngs kënnt de Museker elo awer fir eng éischte Kéier.

Tickete fir säi Concert ginn et online nach hei & an der Oweskeess!

D'Diere ginn um 19h00 op & als Virband um 20h00 trëtt "Bartleby Delicate" op & duerno um 21h00 den Jeremy Loops!

Lauschtert hei de Reportage



Links