Anne-Marie09.05.2019 @ Luxexpo The Box

Den Atelier bréngt déi britesch Musekerin Anne-Marie Donneschdes, de 9. Mee 2019 fir e Concert op Lëtzebuerg, an d'Luxexpo The Box.

Leschten Update: 15.10.2018, 08:36:44

© Atelier

Op de Konto vun der britescher Musekerin Anne-Marie geet aktuell zwar just een Album, ma säi Repertoire u bekannte Lidder ass richteg grouss. An de leschten 3. Joer sinn d'Hit-Singlen "Rockabye" mat Clean Bandit an dem Sean Paul, "Alarm" an "Ciao Adios" zesumme komm. An dësem Joer huet d'Musekerin un der Säit vum Marshmello am Song "Friends" geglänzt. An erfollegräich war et och mat sengem "2002", e Lidd dat den Ed Sheeran geschriwwen huet. Wien e Concert vum Anne-Marie besicht, kennt gutt a gäre 90 % vun de Lidder. 
A genee déi presentéiert d'Britin am nächste Joer zu Lëtzebuerg. 

Den Atelier presentéiert d'Anne-Marie, de 9. Mee 2019 an der Luxexpo The Box. 


Déi 27. Joer al Sängerin huet iwwert déi leschten 2. Joer och richteg vill Live-Erfarung konnte sammelen. D'Anne-Marie ass dem Ed Sheeran säi Support Act op der aktueller Ed Sheeran Divide Tour an huet regelméisseg virun 80.000 Leit gespillt.

De Virverkaf leeft säit dem 5. Oktober op atelier.lu