Mumford & Sons08.05.2019 @ Rockhal

No hiren Optrëtter um RAF an an der Rockhal, kënnt di britesch Band haut zréck op Lëtzebuerg.

Leschten Update: 08.05.2019, 00:00:08

© atelier

Am November 2018 hunn "Mumford & Sons" en neien Album mam Titel "Delta" erausbruecht – an domat ginn d’Museker  op grouss Welttournée- mat am ganze 60 Concerten weltwäit. Mëttwochs, den 8. Mee 2019 presentéiert den Atelier Mumford & Sons live an der Rockhal.

2012 war di britesch Folkrockband fir d’éischt live zu Lëtzebuerg- fir e Concert um Rock-A-Field zu Réiser. Am Mäerz 2013 ware Mumford & Sons live an der Rockhal.

Wéi d’Organisateuren vum Atelier betounen, wäert et dës Kéier eng ganz speziell Show ginn. D’Bühn gëtt nämlech am Zentrum vum Raum opgeriicht - et handelt sech ëm eng sougenannten 360° Bühn wou de Publikum da ronderëm steet.

Den Ament ginn et online nach e puer Tickete fir de Concert an der Rockhal!

D'Diere ginn um 19h00 op - als Virband spillt "Gang of Youths".


Links