Dean Lewis 20.06.2019 @ Atelier

Den australesche Singer-Songwriter kënnt den 20. Juni live an den Atelier.

Leschten Update: 10.04.2019, 08:17:53

© atelier

A senger australescher Heemecht ass den Dean Lewis längst ee grousse Star. An och an Europa huet hien sech an de leschte Méint mat sengen Hitsingles "Be Alright" an "7 Minutes" en Numm gemaach.

Am Fréijoer geet den talentéierte Singer-Songwriter mat sengem Album "A Place We Knew" op seng éischt grouss Europatournée. An deem Kader kënnt hien och live op Lëtzebuerg - fir e Concert Donneschdes den 20. Juni an den Atelier.

De Virverkaf fänkt dëse Freideg, 12. Abrëll um 10h un - um Site vum Atelier atelier.lu