De Robbie Williams sengt bei der Erëffnungsfeier vun der Futtball-WM en Donneschdeg zu Moskau. Hien kritt hei Ënnerstëtzung vun der Operesängerin Aida Garifullina. Och di brasilianesch Futtball-Ikone Ronaldo soll mat dobäi sinn. Et  kann een dovun ausgoen, dass och de President Wladimir Putin bei der Zeremonie present ass.

D‘WM fänkt dësen Donneschdeg mat der Partie tëscht Russland a Saudi-Arabien um 17h eiser Zäit un. Eng hallef Stonn virdrun ass d’Erëffnungsfeier.