Concertscheck Tom WalkerEng gigantesch Stëmm um Mëttwoch am Atelier

Den Tom Walker iwwerzeegt nees ouni vill Konfetti, dofir awer mat enger wahnsinneger Stëmm!

Leschten Update: 16.05.2019, 18:49:01

© eldoradio

Um 8 Auer huet et mat der Virband dem Charlotte OC schonn zimlech gutt ugefaangen. Eng immens präsent Stëmm. Passend fir sou e Kaliber wéi den Tom Walker an ze leeden.

Um 9 Auer war et dunn um Haaptact. Pénktlech betrëtt de Walker d'Bühn. Wéi ëmmer ganz spartanesch. 4 LED-Sailen. Méi brauch et net. Engem Tom Walker géif een och an der Groussgaass nolauschteren.

Lauschtert wéi de Public de Concert fonnt huet:


Säi Concert war nach besser wéi deen d'lescht Joer am Abrëll an de Rotonden. De sympathesche Kärel ass nach méi "präsent" ginn, huet nach méi Power.

© eldoradio


Eng gutt Band, eng gigantesch Stëmm iwwerzeegen och 2019. Egal op "My way", , "how can you sleep at night", "Blessings", "You and I" oder seng Zugaben mat ënnert anerem sengem "leave a light on" iwwerzeegen de Lëtzebuerger Public.

© eldoradio


E ganz gudde Concert vun engem -nach ëmmer muss ee soen- Newcomer.

4,5 vu 5 Stären!