Fraennimm a Lidder

Hanner Rocklidder wéi Layla, Lola oder Angie stiechen richteg Fraen.

An „Sweet Child O'Mine“ schwärmt den Axl Rose vun enger Fra, déi anscheinend d'Kand an him opliewe léisst. Et war seng deemoleg Frëndin Erin Everly. D'Bezéiung war awer laang net sou schéin wéi de bloen Himmel, deen den Axl Rose am Lidd beséngt. Hien huet seng Fra regelméisseg geschloen.

Den Eric Clapton huet d'Pattie bei sengem Frënd George Harrison kenne geléiert, sech an hatt verléift. Enges Dags huet hien him säi Welthit „Layla“ virgespillt. Den Text baséiert op engem Roman, wou Mann an eng Fra verléift ass, déi och an hien verléift, awer schonn verginn ass. Et sollt nach 4 Joer daueren, mee schließlech huet d'Pattie deen hartnäckegen Eric erhéiert.

De Billy Joel war Ufank vun den achtzeger Joren e Rockstar. Dësen Status huet hien genotzt, fir kuerz hannerteneenen di zwee wuel erfollegräichst Supermodelen vu senger Zäit ofzeschleefen. Säin Song „Uptown Girls“ handelt deemno gläich vun zwou Fraen. No enger kurzer Affäre mam Elle MacPherson war hien mam Christie Brinkley zesummen. Wéi klor war, dass dat méi wéi ee kurzen Techtelmechtel sollt ginn, hien hien den „s“ am Songtitel „Uptown Girls“ ewech gelooss.

Egal wat hatt mécht, hien huet een An op hatt. Kléngt ganz schéin romantesch, den Text vun der Police-Ballade „Every Breath You Take“. D'Fra aus dem Lidd ass dee Moment schonn dem Sting seng Ex-Fra an heescht Frances Tomelty. Vill Nolauschterer hunn am Hit awer ee Liebeslidd gesinn. De Sting huet dat einfach nëmmen amüsant fonnt. Well fir hien ass „Every Breath You Take“ eng düster Kompositioun iwwer Jalousie a Besiessenheet.

Weider Artiklen