The Raveonettes

Di dänesch Band The Raveonettes huet een neien Album eraus bruecht.

“The next big thing” waren si nie. Wéi The Raveonettes virun 7 Jor hiren Debütalbum eraus bruecht hunn, stoungen hinne vill grouss Nimm am Wee. D’White Stripes zum Beispill oder The Kills. The Raveonettes hu sech dovun awer net decouragéieren gelooss.

Ganz niewebai hunn The Raveonettes eis klor gemach, dass zwou Persounen eigentlech völleg duer ginn, fir sech „Band“ ze nennen. Ee Gitarrist an eng Bassistin deelen sech d’Gesangs- an d’Kompositiounsarbecht.

Genee wéi di dänesch Dogma-Filmregisseuren hunn och d’Raveonettes bei hirer Grënnung e Manifest geschriwwen: All d’Lidder, stoung doran, sollten an Zukunft a Moll geschriwwen ginn. Limiten setzt dat de Museker awer keng

Schéi regelméisseg, all zwee Jor, hu si säitdeem Alben eraus bruecht. A mat all Album hu si d’Musek gewiesselt. Wou et am Ufank rau Gittaren gouf, ginn et um neien Album 80er Jore Syntheziser.

D’Band thematiséiert falsch Liewenswee’er, Drogemëssbrauch a Selbstmord. The Raveonettes soen, et wier dee beschten Album vun hirer Geschicht ginn. Op mannst bis zur nächsten Wandlung.

Weider Artiklen