Owl City

D’Hitsingle „Fireflies“ leeft scho mi laang op Eldoradio. Lo hunn Owl City hire ganzen Album mam Numm “Ocean eyes” eraus bruecht

Öffentlechen Optrëtter geet den Adam Young aus dem Wee, hien gëtt keng Interviewen a léisst nëmme wéineg iwwer seng Persoun wëssen. Sou muss ee sech sain eegent Bild maachen – an dat leeft meeschtens op d’Bild vun engem scheien Indie-Nerd eraus. Dee sech hannert sengem Pseudonym verstoppt an virun der Baussewelt doheem am Keller verschanzt. An dee mat Hëllef vun enger Armada vu Synthesizer an Drumcomputer u sengen onopdränglechen Popsongs bastelt.

Et ass schonn e komescht Bild. Tëscht glamouréisen R&B-Pop aus den USA, wéi Kesha, Keri Hilson, an de Black Eyed Peas huet sech Owl City weltwait an den Charts platzéiert. Mat „Fireflies“ ass dem 22 Jor ale Museker een Ouerwuerm gelongen. Dass hien domat awer weltwäit d’Hitparaden stiermen géif, domat hätt kee gerechent.

An Amerika ass schonn di zweet Single „Vanilla Twilight“ dobaussen. Déi gouf awer keen Nummer-1-Hit. Eemol läit et dorun, dass „Fireflies“ alles iwwertrëfft. Anerersäits ass dat och eng Schwächt vun Owl City: D’Musik op ee ganzen Album bezunn, ass e bëssen eesaiteg. Vill Lidder ähnelen sech vum Stil hei staark.

Ween op liichte verspillten Electro-Pop steet, gëtt awer hei uerdentlech zervéiert. Den Adam huet och net nëmmen verdreemten Texter, mee och mol witziger. Beim Song „Dental Care“ vertount hien zum Beispill e Rendez-Vous beim Zänndokter.

Weider Artiklen