Fun Lovin Criminals

D'Fun Lovin Criminals sinn mat hirem neien Album zreck: Classic Fantastic.

Mat sengem Debütalbum „Come Find Yourself“ huet den New Yorker Trio virun 14 Jor ee richtege Klassiker higeluecht. Vrun allem Groussbritannien louch de Fun Lovin Criminals vun do un zu Féiss. Mee och heizuland hunn di lässeg ironesch Grousstadtgeschichten em Verbriechen, Drogen a Sex en nohaltegen Androck hannerlooss.

 Mëttlerweil hunn d'Fun Lovin Criminals de Big Apple verlooss a residéieren an England. No 4 Top10 Alben hunn d'Fun Lovin Criminals sech eng 5 Jor laang Paus gegönnt. De Frontmann Huey Morgan huet d'Paus vun der Band genotzt an eng 2. Carriere als Moderator op Radio an Tele ugefangen. Nodeems den Trio ee batteren Rechtssträit mat sengem fréieren Manager ofgeschloss huet, konnt e sech nees voll op d'Musek konzentréieren.

„Classic Fantastic“ ass an der Band hirem eegene Studio zu London entstanen. Zesumme mam renomméierten HipHop-Produzent Tim Latham , deen ënner anerem schonn mat A Tribe Called Quest, De La Soul, a Britney Spears zesumme geschafft huet.

D'Fun Lovin Criminals presentéieren „Classic Fantastic“ als optimistesch gestëmmten Partyalbum. Si annoncéieren Soul mat Trompetten am Titeltrack, Outkast-méissege Psycheledik-Sound an „Mars“, a karnavalinspiréierten HipHop an „She sings at the sun“. Mee och raue Rock ass dobäi an „The Originals“. Als Special Guests sinn den HipHop Star Rooots Manuva ze héieren, grad wéi de Comedian Mike Strutter.

Weider Artiklen