Coldplay, neit Lidd virgestallt!

Gëschter war jo zu San Francisco di grouss Pressekonferenz vun „Apple“ bei där di neiste Produiten virgestallt gi sinn. Zousätzlech gouf et en Optrëtt vu Coldplay, bei där de Chris Martin an engems dat neit Lidd „Wedding Bells“ virgestallt huet. Am Kader vun dem ganzen Technik-Gelabers huet de Chris Martin dat ganzt e bëssi méi witzeg ugekënnegt. Zitat Martin: „ Dat hei ass e Lidd mam Numm „Coldplay 2.6“ et huet vill nei Features, z.b .7 nei Akkorden a souguer ee ganz neien, vun deem souguer nach kee vun eise Rivalen virdrun heiren huet. Dat kéint di eenzeg Kéier sinn, wou dir et héiert. Et kéint schrecklech schif lafen, mir gesi wat geschitt.“ An engems huet de Chris Martin dovunner profitéiert „Apple“ Merci ze soen. 2008 ass hiert Lidd „Viva la Vida“ jo deck an enger Reklamm vun „Apple“ gepusht ginn an dat obwuel d´Plackefirma vun den Englänner gemengt huet dass dëst Lidd kee groussen Hit géif ginn. E Video mam komplette Lidd, fann dir am Wencke sengem Blog op wencke.eldoradio.lu!

Weider Artiklen