Retrohit vum 19.08.10

Haut viru 27 Joer huet de Pet Shop Boys Sänger Neil Tennant zu New York säin grousst Idol kenne geléiert, den Dance-Produzent Bobby Orlando. Kurz drop huet de Neil Tennant zesumme mat sengem Kolleg Chris Lowe een Dag laang mam Bobby Orlando am Studio un engem Lidd mam Numm „West End Girls“ geschafft. „West End Girls“ gouf am Joer 1984 ee kléngen Hit an der Belsch an a Frankräich a bei engem Lokalsender zu Los Angeles. Méi net.
No engem Sträit mam Bobby Orlando hunn d'Pet Shop Boys ee Joer dono ee neie Plackekontrakt ënnerschriwwen. Hire neie Produzent Stephen Hague huet d'Lidd méi lues an méi düster gemaach, an eng Backgroundsängerin an en Trompettesolo agebaut. Doropshin gouf „West End Girls“ e Mega-Hit an England an an Amerika.
"West End Girls" vun de Pet Shop Boys ass haut den Eldoradio Retrohit vum Dag.

Weider Artiklen