Alphaville, Blu Cantrell, Notorious B.I.G., 30.8.2010

Di däitsch Synthiepop-Band Alphaville huet haut virun 6 Joer e Concert zu Berlin gespillt fir hiren 20-jähregen Bandjubiläum. Am Joer 1984 haten déi 3 Museker d'Band gegrënnt an e Plackekontrakt ënnerschriwwen. Direkt mat hirer éischter Single „Big In Japan“ haten si en Nummer-1-Hit an Däitschland an eng 4. Platz a Groussbritannien. Op hirem Jubiläums-Concert 20 Joer méi spéit stoung als eenzege Grënnungsmember dee mëttlerweil 50 Joer ale Marian Gold op der Bühn.

Haut virun 7 Joer hat di amerikanesch Sängerin Blu Cantrell feat Sean Paul eng Nummer 1 Single an England mat „Breathe“. Et war eng Single aus hirem zweeten Album „Bittersweet“, déi dem Blu Cantrell an Europa den Durchbroch bruecht huet.

Haut virun 13 Joer haten The Notorious B.I.G. featuring Puff Daddy & Mase eng Nummer 1 an den USA mat „Mo Money Mo Problems“. Mëtt 90er Joeren koum et zum Sträit tëscht de Rapper vun der amerikanescher Ost-a Westküst. Dee Sträit ass eskaléiert: Als éischt gouf den Tupac erschoss, an dunn den 9. Mäerz 1997 den Notorious B.I.G.

Weider Artiklen