Dire Straits, Michael Jackson, The Verve, 31.8.2010

Haut virun 25 Joer sinn d'Dire Straits mat „Brothers In Arms“ op Platz 1 vun den amerikaneschen Albumcharts geland. 9 Wochen war den Album dun op der Spëtzepositioun. Den Album huet och d'Spëtzt an 25 anere Länner erreecht an huet sech weltwäit iwwer 20 Milliounen mol verkaf.

Haut virun 23 Joer gouf et et déi gréisst CD-Bestellung an der Geschicht vun der Plackefirma CBS Records. 2,25 Milliounen Exemplairen vum Michael Jackson sengem Album „Bad“ goufen an amerikanesch Plackebutteker geliwwert. „Bad“ war den Nofolger vun „Thriller“, dee meescht verkaften Michael Jackson Album vun allen Zäiten.

Haut virun 2 Joer waren The Verve fir zwou Wochen op Platz 1 an England mat hirem Album „Forth“. Am Juni 2007 huet d'Band op hirer Homepage eng Reunion ugekënnegt. Nieft enger Tour durch England am Hierscht 2007 hunn The Verve zesummen en Album opgeholl. „Forth“ heescht en an ass den 18. August 2008 eraus komm, d'Single „Love Is Noise“ koum kurz drop eraus.

Weider Artiklen