Soft Cell, Juanes, Gorillaz, 3.9.2010

De briteschen Popduo Soft Cell war haut virun 29 Joer mat senger éischter Single „Tainted Love“ op Platz 1 vun den engleschen Charts. D'Lidd gouf e weltwäiten Hit. „Tainted love“ war een alt Lidd vum Gloria Jones wat Soft Cell an hirem ganz eegene Synthie-Pop-Stil gecovert hunn. Et blouf allerdéngs deen eenzegen Hit vun Soft Cell, den Duo huet sech 3 Joer méi spéit nees opgeléist.

De kolumbianesche Sänger, Songwriter a Gittarist Juanes war haut virun 7 Joer de grousse Gewënner bei de Latin Grammy Awards zu Los Angeles. 5 mol war de Juanes nominéiert, 5 mol huet hien gewonnen. Enner anerem an de Kategorien „Album vum Joer“ fir „Un Dia Normal“. Mat deem Album huet de Juanes och de weltwäiten Durchbroch gepackt.

Haut virun 5 Joer ware Gorillaz op Platz 1 an England mat „Dare“. Et war eng Single aus dem Album „Demon days“, deen direkt an der éischter Verkafswoch op Platz 1 vun den Charts war. Musikalecsh Ënnerstëtzung koum op deem Album ënner anerem vun De La Soul, Neneh Cherry, an op der Single „Dare“ vum Shaun Ryder, fréiere Sänger vun den Happy Mondays.

Weider Artiklen