Roger Waters, R. Williams, Blue, 6.9.2010

De Roger Waters huet haut Geburtsdag. De Sänger a Bassist vu Pink Floyd kritt 66 Joer. Mat Pink Floyd hirem Album „Dark side of the moon“ war de Roger Waters am Joer 1973 741 Wochen an den amerikaneschen Charts- e Rekord. Bis haut hunn Pink Floyd iwwer 200 Milliounen Alben verkaf. Am Joer 1985 huet de Roger WAters d'Band verlooss a bis haut 4 Soloalben eraus bruecht.

Haut virun 4 Joer gouf dem Robbie Williams säi Song „Rudebox“ vun entsaaten Musikkritiker als schlechtste Single vun aller Zäiten bezeehent. D'Zeitung Daily Mirror zum Beispill nennt de Song „lächerlech“ an „immens peinlech “. De Robbie Williams selwer konnt dës schaarf Kritik iwwerhapt net novollzéien.

Haut virun 6 Joer sinn d'Jongen vun der englescher Boyband Blue getrennte Wee'er gaangen. De Simon Webbe huet ugefangen u sengem éischte Soloalbum ze schaffen. De Lee Ryan huet eng Regieausbildung ugefaangen, den Duncan James huet un enger Musicalkarriere geschafft an den Antony Costa wollt Schauspiller ginn.

Weider Artiklen