London CallingVältesdag gëtt et "Dog Walk" zu London

Wat kann ee Vältesdag an der britescher Haaptstad maachen?

12.02.2019, 07:49:26

© pixabay.com

Paräis ass jo ouni Zweiwel d’Stad vun der Léift. Besonnesch elo fir Vältesdag ginn nees Milliounen Touristen an der franséischer Haaptstad erwaart, fir e puer romantesch Deeg zesummen ze verbréngen. Mee och wann een dat vläicht net mengt, och hei zu London ginn et dës Woch e puer mol méi, mol manner traditionell Aktivitéiten, déi engem Vältesdag verséisse kënnen.

Lauschtert hei de Reportage:


Fir d’éischt emol wär do e romantesche Popup Kino an engem alen, ganz a rout a gold dekoréiertem Balraum am Südoste vu London. An dëser eenzegaarteger Coulise aus den 30er Jore kann ee Klassiker ewéi Pretty Woman, Romeo + Juliet oder Ghost gesinn.

Ween dann en Hond huet, awer leider kee Partner, dee ka beim Valentine’s Dog Walk matmaachen. Hei soll ee sech a säin Hond der Occasioun entspriechend verkleeden fir Präisser ze gewannen. A wee weess, et soll jo och schomol virkomm sinn, dass Hënn 2 Mënschen gehollef hunn sech ze fannen an ze verléiwen.

© © pixabay.com

Schlussendlech dann, fir all déi Leit, déi ganz oppen a Punkto Sexualitéit sinn, gëtt et e Stand up Comedy Event an der Sexversioun. Hei gëtt et nieft knaschtege Witzer och nach eng Tombola fir Sexspillsaachen ze gewannen.

Twitter: @EldoLondon an @SergeReuter