Google Glass sollt den Alldag mat Hightech erliichteren... Dokteren hunn awer gewarnt, dass e kéint riskéiere süchteg ze ginn. A genee dat ass elo engem 31-Järege Mann geschitt.
18 Stonnen den Dag, hat hien de Brëll un an huet däitlech Entzuch-Erscheinunge gewisen, soubal hien se net virun den An hat.

De Mann huet souguer gedreemt e géif duerch de Brëll kucken!

Wéi dunn nach en Alkoholproblem dobäi koum, gouf hien an eng Klinik agewise wou hien dunn en Entzuch gemaach huet. Während dësem Entzuch huet hien sech weider hi verhale wéi wann hien de brëll nach un hätt, obwuel et an der Klinik verbuede war. Ëmmer rëm huet de Mann sech mam Fanger un de Kapp getippt, dohin wou een normalerweis den Internet um Brëll umécht.

Et ass deen éischte bekannte Fall vun enger Internet-Ofhängegkeet...