D'Genoveva Nunez-Figueroa (30) hat de Mann iwwer eng Dating-Säit am Internet kennegeléiert. No e puer Dates, wollt dësen d'Fra net méi gesinn, sou den Noriichten-Sender ABC.

D'Fra huet dat net dovunner ofgehalen an si huet decidéiert duerch de Kamäin an dem Mann säin Haus an Thousand Oaks, Kalifornien, ze klammen. Bei dem Versuch, ass d'Genoveva am Kamäi stieche bliwwen an huet misse vun de Pompjeeën erausgeholl ginn.

Mat engem Presslofthummer sinn d'Mauere gebrach ginn. Dunn sinn se ageseeft ginn, fir d'Fra erauszezéien.

Dat ass net déi éischte Kéier, dass d'Fra op den Dag vum Haus geklommen ass. Leschte Kéier gouf si vun engem Passant gesinn, deen dunn d'Police geruff hat.