En 61-Järegen Texaner gouf mat 3,7 Promill an d'Klinik ageliwwert a huet behaapt, dass hien de ganzen Dag keng Drëps Alkohol gedronk hätt! Doktere schécken hien ufanks nach heem, mä wéi dëse Fall sech e puer mol widderhëlt, maachen si Tester.
D'Resultat ass genee dat, wat de Mann vun Ufank u behaapt huet: Hien ass och da voll, wann hi keen Alkohol gedronk huet!

Fuerscher hunn eraus fonnt, dass en Hief-Pilz un dësem Dauer-Zoustand Schold ass. 6 Joer huet et gedauert, bis d'Ursaach eraus fonnt gi war. Genannt gëtt dës Krankheet iwwregens Auto-Brewery-Syndrom a kann duerch en Antibiotik ausgeléist ginn.

Haut ass den 61-Järege komplett fräi vu Symptomer, dank enger Therapie déi d'Darmflora nees op Trapp bruecht huet.