Fir d'Käschten ze drécken, sollen a Japan Roboteren zum Asaz kommen an op Manpower verzicht ginn. Gäscht begréissen an anchecken, Zëmmer botzen, Kaffi servéieren,... Alles dat soll an Zukunft vu Robotere gemaach ginn, sou déi japanesch Zeitung "Nikkei".

Den Hotel soll den Numm "henna hoteru" kréien, wat iwwersat esou vill heescht wéi "komeschen Hotel". Am Juli soll da schonn dat éischt Gebai mat 72 Zëmmeren opgoen an deem et keng Schlësselen oder Kaarte gi fir an d'Kummer eran ze kommen, mä déi mat Gesiichtserkennung funktionéieren.

Et gëtt versicht fir d'Personal esou op 1 Drëttel ze reduzéieren. Bleift ofzewaarden, ob esou en Hotel sech och bei eis kéint duerchsetzen.