Eng amerikanesch Etude wëll elo bewisen hunn, dass Singles, déi vill Smileys an hiren Noriichte mat schécken, méi dacks Sex hunn, wéi Leit déi nëmmen Text verschécken.

Déi Etude ass vum Datingportal Match.com ausgaangen. Befrot goufe 5675 Amerikaner tëscht 20 a 50 Joer. Eraus koum, dass iwwer 50 Prozent vun den "Emoji-Schécker" am leschte Joer Sex haten. Bei deene Persounen, déi keng Emojis verschécken, waren et nëmmen 31 Prozent.

Dobäi kënnt, dass "Emoji-Schécker" méi Dates hunn an sech vill léiwer wëlle bestueden.