Ronn 800 km vu Stockholm ewech leit de Floss Torneälven. D'Bewunner kämpfe an de läschte Joeren an der Regioun géint d'Moustiquen. Déi sollten dëst Joer biologesch bekämpft ginn, ma et gouf vun offizieller Säit keng "Ëmweltkonsequenzanalyse" ugefrot an d'Bekämpfung verbueden.

Kuerzer Hand huet d'Gemeng reagéiert an di éischten inoffiziell Weltmeeschterschaft am Moustiquefänken an d'Liewe geruff. D'Kandidaten haten 30 Minutten Zäit esou vill Moustique wéi méiglech ze sammelen, ob lieweg oder dout. 

De Weltmeeschter Tommy Kyrö huet sech no bei engem Tempel an d'Schweesse bruecht, ausgedoen a gewaart bis d'Insekten et op hien ofgesinn haten.

Am nächste Joer wäert et eng 2. Editioun ginn, wuel och mat villen interesséierten Touristen.