Tinder (eng bekannten Dating App) huet während den Olympesche Spiller zu Rio dëst Joer eng immens héich Aktivitéit am Olympeschen Duerf festgestallt. Hei soll nämlech vum 5. bis den 21. August besonnesch dacks d'App benotzt gi sinn.

Elo huet Tinder eng Lëscht verëffentlecht, an där genee steet, wie besonnesch gutt beim anere Geschlecht (oder och beim selwechten) ukomm ass an "Matches" gesammelt huet, rsp. geliked gouf:

Bei de Frae stinn iwwerraschenderweis d'Meedercher aus dem Dëschtennis op 1. Plaz! Dat iwwerrascht, well d'Spillerinnen eigentlech net déi model-typesch Moossen a Proportiounen hunn.

Plaz 2 geet un d'Hockeyspillerinnen, direkt virun de Rudderinnen. Weider geet et mat der Plaz 4 fir d'Gewiichthiewerinnen a 5. fir de Rugby. Op 6. Plaz fënnt een dann nach d'Schwëmmerinnen.

Bei de Männer sinn d'Tennisspiller op 1. Plaz. Do hannendrun kommen d'Gewiichthiewer an d'Konschturner. Op Plaz 4 steet Schéissen, da Judo a Boxen op 6. Plaz.