Un engem Floss zu Tokio ass e Japaner vun engem 1,90 Meter grousse Bier ugegraff ginn. D'Déier hätt de Mann e puer Mol gebass an hien un den Äerm, Been an um Kapp blesséiert. Amplaz fortzelafen, huet de Japaner dem Bier an d'An geschloen, wourop dee séier an de Bësch zréck gelaf ass.

"Entweder bréngt hie mech ëm oder ech hien!", esou den Atsushi Aoki an engem Interview.

Deen 63-Järegen huet et zum Schluss esouguer aus eegener Kraaft an den Auto gepackt an ass an eng Klinik gefuer. Och un de Fësch, deen hie gefaangen hat, huet de Japaner geduecht, esou d'Police.

4 Mënsche sinn dëst Joer schonn duerch Attacke vu Bieren ëm d'Liewe komm.