Vill Leit géingen esou muenches dofir ginn, eng Kéier duerch d'Haus vun den Dursleys am Ligusterwee 4 zu Little Whinging ze lafen, oder souguer dran ze wunnen. Fir 475.000 Pond, also ëmgerechent 553.284 Euro, kann een d'Haus aus dem Film elo kafen!

Picket Post Close 12 a Martins Heron, Bracknell, esou déi richteg Adress vum Haus, dat am Süde vu Groussbritannien steet. D'haus gouf zwar nëmme fir den éischten Deel vun de Filmer benotzt (duerno gouf e Set gebaut), mä trotzdem dierften sech Fans hei hirem Idol e bësse méi no fillen.

Um Site vun der Immobilie-Firma Chancellors.com gëtt allerdéngs kee Wuert iwwer d'Virgeschicht vum Haus verluer...