De franséischen Autozouliwwerer Venturi verbessert säin eegene Rekord dobäi däitlech. An enger Wüst vum US-Bundesstaat Utah huet den Tacho vum Venturi VBB-3 eng Spëtzevitesse vu 576 km/h ugewisen. Den ale Rekord aus dem Joer 2010 war vum Virgängermodell mat 515 km/h opgestallt ginn.

Och d`Duerchschnëttsvitesse ass natierlech virdrun nach ni erreecht ginn. Iwwer eng Distanz vun 11 Meilen (17,7 km) fiert de Sportsauto 549,4 km/h. Fir Venturi ass dat awer nach laang net de Maximum. Zil ass et de Rekord esou bal wéi méiglech erëm ze knacken, 700 km/h hält d`franséisch Entreprise fir realistesch.