De Client schéngt immens rosen op de Service Après-Vente gewiescht ze sinn. Anescht ass folgend Zeen net ze erklären: Zu Dijon a Frankräich ass leschten Donneschdeg e jonke Mann mat enger Petanque-Bull an en Apple Store gaangen a wollt sech un der Mark rächen, andeems hien direkt d'Smartphones déi do ausgestallt goufen een nom anere mat der Bull futti geschloen huet!

Eng Persoun huet déi ganz Zeen gefilmt an online gesat. Am Video héiert ee wéi de Mann sech doriwwer opreegt, dass hie seng Suen net zréck kritt hätt.

Wierklech agegraff huet allerdéngs keen, bis dass d'Security opdaucht an de Mann mat bei d'Police geholl hunn. Géint de Mann leeft eng Plainte.