Op enger Uni an England ass et neierdéngs erwënscht während dem Cours um Handy ze hänken a Pokémon Go ze spillen! Grond dofir ass, dass d'Fach "Business Information Technology" einfach net méi genuch gewielt gëtt. Mat dem Hype ëm d'App, soll de Cours dofir méi "gräifbar" fir d'Studente ginn, esou den David Kreps, Proff vun der Salforder Uni an England.

Duerch Pokémon Go soll d'Fach ganz einfach méi flott a verständlech fir d'Studente gemaach ginn a méi einfach ze verstoen. "Et ginn Informatiounen am Internet gesicht, et ass eng digital Kamera an de GPS Sensor am Spill", sou de Proff weider. Alles Saachen, déi am Cours eng grouss Roll spillen.

Kritiker fannen allerdéngs, dass dat Ganzt komplett Blödsinn wier. D'Studente géingen d'Fach just wéinst der App wielen an doduerch wichteg Beruffschance verpassen.