Den Entwéckler "HitmanNiko" huet e Mod fir GTA V entwéckelt, bei deem ee Smartphones duerch d'Géigend geheie kann an déi da kuerz drop explodéieren.

Ganz kloer gëtt hei eng Uspillung op dem Samsung säi Galaxy Note 7 gemaach, dee jo opgrond vun Akkuproblemer e puer Mol explodéiert war. E Samsung Store gëtt et am Rockstar-Spill allerdéngs net. Déi explosiv Smartphones kënnen awer an all Waffen-Shop kaf ginn.