Bei der invisbleboxchallenge geet et dorëm dass een iwwer eng onsiichtbar Këscht klëmmt.
Dobäi setzt een ee Fouss op d'Këscht fir deen aneren dann elegant iwwert dee ganzen onsiichtbaren Obstakel ze hiewen. Et muss ee sech ganz einfach dobäi filmen an dat ganzt an d'Netz lueden.
Dat ganzt héiert sech méi einfach un wéi et dann awer a Wierklechkeet ass. Et zirkuléieren nämlech och Videoen vu Leit déi leider kee Gléck beim Bezwéngen vun hirer imaginärer Këscht haten.
Bëlzen um Kapp a blo Plazen sinn bei dëser Challenge net seelen.

Kuckt hei den original Video:




Erfonnt huet dat ganzt iwwregens eng Studentin wat bei sengem Cheerleader-Training näischt besser ze dinn hat wéi der Welt dat ganzt ze weisen. Dass et um Enn esouvill Succès hat, hätt hatt sech wuel net erwaart.