Wann Groussbritannien ouni Ofkommes aus der EU austrëtt, riskéiert d’Land een Enkpass u Spermien fir di kënschtlech Befruchtung, Regierungsaussoen no wäerten di aktuell gesetzlech Bestëmmungen vun der EU fir den Import vu Spermien nom Brexit net méi gëllen.  Da mussen nei schrëftlech Accorden getraff ginn.

Zanter 2005 ass d’Zuel vun de Spender a Groussbritannien staark zréck gaangen. Dee Moment ass e Gesetz a Kraaft getrueden, nodeem e Spender kee Recht op Anonymitéit méi huet. 

Regierungsaussoen no huet Groussbritannien zejoert ronn 3.000 Spermaprouwen aus Dänemark an 4.000 aus den USA importéiert. Sperma-Importer aus den USA hunn awer bis zu 3 Méint Liwwerzäit, den Import aus Dänemark dauert just eng Woch.