AnimatiounMax Heil

"En Job dee Spaass mécht ass wéi en Hobby fir dat ee bezuelt gëtt".

Leschten Update: 25.04.2019, 12:38:36

© Eldoradio

Choleriker a Leit déi Sträit sichen huet de Max guer net gär. Wann et dann awer mol haart op haart kennt, seet de Max dass en "Kabutu" kann. Et muss jo kee wëssen dass dat "Kanner-Buedemturnen" ass.

Wann de Max da mol net um Radio ass, mécht hie gär Sport. An och mol méi extra Sportaarten, wei z.b Surfen, an dat net am Internet mee sou richteg mat Briet a Wellen. D'Surfer si jo sou ganz relax Mënschen, sou och eise Max. Dat Wuert Stress kennt hien net, a behaapt dass ee mat vill Gedold an enger gudder Portioun Witz an Ironie een et zimlech gutt duerch d'Liewe packt. Ganz nom Motto "elo maache mer fir d'éischt mol näischt, an da waarde mer of".

Hien ass e groussen EDM Fan a schwäermt vum "Tomorrowland", wou hien dann och scho war. 

Op den Tour goen, an och mol Party maache gehéiert am Liewen dozou, sou wéi Zäit mat senge Léifste verbréngen, dat ass dem Max ganz wichteg. Haart Schaffe gehéiert allerdéngs och dozou, an dat mécht hie just beim Radio, well dat fir hien Aarbecht an Hobby kombinéiert ass, ganz nom Motto: "En Job dee Spaass mécht ass wéi en Hobby fir dat ee bezuelt gëtt".

De Max behaapt, et soll ee sech selwer net ze eescht huelen an och mol iwwert sech laache kënne well d'Perfektioun wier net vun dëser Welt.

Links