AnimatiounDylan Vogel

Den Dylan, och Vurrel genannt, ass eigentlech ëmmer relativ gutt gelaunt an ass sech sécher dass déi vill Fale spéider am Gesiicht vum Grinse wäerte sinn. Wann den Dylan de ganze Weekend mol net um Tour war spillt en och gär Fussball. Wéi seet een esou schéin, wien e Goalkeeper ass dee ka se net méi all mat der Ratsch hunn. Ma och dat trefft zimlech zou.

E Museksgenre huet den Dylan elo net direkt, mee dat ganzt geet éischter an déi Däitsch Richtung. Vum Wolfgang Petry eriwwer bei de Sido a vun do e klengen Tëschestopp beim Ballermann-Mix bis hin zum Rock geet alles u Musek. Mee eppes geet guer net an dat ass Techno. Techno ass fir hie genau esou wéineg ze erdroen, ewéi den FC Bayern München... Also guer net.

Vill brauch hien net fir frou ze sinn, eng Bar, gutt Gesellschaft an eng Currywurschtbud géife schonn duer goen. Een am Groussen a Ganze gutt gelaunte Kärel, dee gär och mol seng Freed mat aneren deelt a wahrscheinlech 90% vum Dag nëmme Quatsch am Kapp huet, dat ass eisen Dylan.