Wéi de CGDIS matdeelt, koum et e Sonndeg de Moien zu zwee Bëschbränn, dat bei Luerenzweiler an um Sennengerbierg.

Kuerz no 9 Auer e Sonndeg de Moie koum et um "Fautefiels" bei Luerenzweiler zu engem Bëschbrand. Wéi et heescht gouf der Police e Puer Mol Damp am Bësch gemellt.  Doropshin huet eng Patrull 4 Jugendlecher um "Fautefiels" ugetraff déi do campéiert haten. Do hate si e Lagerfeier ugemaach a spéiderhin och nees ausgemaach. Um Sonndeg Moien ass d’Feier awer nees ugaangen.

Di 4 Jugendlecher goufe protokolléiert.

Kuerz no hallwer 11 huet et och an engem Bësch um Sennengerbierg gebrannt.

Blesséiert gouf a béide Fäll keen.