Eldo.lu - News: Visitt vum neie Fussballstadion fir d'Chamberkommissioun

E Freideg war eng Visitt vum neie "Stade de Luxembourg" fir d'Press a fir d'Chamberkommissioun. De 14. Juli ass den éischten Testmatch.

E Freideg gouf et eng Visitt am neie Fussball- a Rugby-Stadion fir d'Presse a fir d'Chamberkommissioun vun der Buergermeeschtesch vun der Stad, Lydie Polfer, a vum Sportminister Dan Kersch. Do gouf de Visuell vum Stadion presentéiert, deen ënnert anerem Spectateurssëtzer an de Faarwe rout, wäiss a blo opweist.

D'Visitt ass deemno e puer Deeg virum Fussball-Testmach vun zwou jonke lëtzebuergeschen Ekippen de 14. Juli ofgehale ginn. Bei deem Match soll iwwerpréift ginn, op d'Infrastrukturen an d'Technik funktionéieren, fir am Noutfall Saachen ze ajustéieren.

Am September dës Joer soll den éischten offizielle Match am neie Stadion sinn, dat mat engem UEFA-WM-Qualifikatiounsmatch tëscht Lëtzebuerg an Aserbaidschan den 1. September.

De Stadion ass konform mat den offiziellen Norme gebaut ginn, ënnert anerem no de FIFA/UEFA Normen (Stadion Kategorie 4) an den Norme vu World Rugby.

Am Dezember 2016 war de Projet vum Gemengerot gestëmmt ginn, dat fir e geschate Präis vun 60.358.250,00 €. De finale Präis läit bei 76.603.623,91 €.